Ֆրիդրիխ Էբերտ հիմնադրամը (ՖԷՀ) շահույթ չհետապնդող գերմանական քաղաքական հիմնադրամ է, որը նպատակ է հետապնդում տարածել և ամրապնդել սոցիալ-ժողովրդավարության արժեքները ամբողջ աշխարհում: ՖԷՀ հիմնադրվել է 1925 թվականին, վերջինիս կենտրոնական գրասենյակները գտնվում են Բեռլինում և Բոննում, հիմնադրամը անվանվել ի պատիվ ժողովրդավարական ճանապարհով ընտրված Գերմանիայի առաջին նախագահի՝ Ֆրիդրիխ Էբերտի:
Այսօր ՖԷՀ-ը ունի մասնաճյուղեր ավելի քան 90 երկրում և գործունեություն է իրականացնում ավելի քան 100 երկրում: Թբիլիսիում գտնվող Հարավային Կովկասի համագործակցության գրասենյակը համակարգում է ՖԷՀ-ի գործունեությունը Հայստանում, Վրաստանում և Ադրբեջանում:

Հ. Հովնանյան ընտանեկան հիմնադրամը` հիմնված 1986 թվականին, նպաստում է հայկական համայնքի զարգացմանն ինչպես Հայաստանում, այնպես էլ Միացյալ Նահանգներում` աջակցելով առկա շահույթ չհետապնդող ծրագրերին և կառույցներին։ Դրամաշնորհների, կրթաթոշակների և ծրագրային այլ ներդրումների միջոցով մենք առաջնահերթ կենտրոնանում ենք կրթության, առողջապահության, արվեստի ու մշակույթի, կամավորության, էկոտուրիզմի, երիտասարդության զարգացման և ձեռներեցության ոլորտների վրա։ Ի հավելում, Հիմնադրամը նաև նախաձեռնում և իրագործում է սեփական ծրագրերը` նպատակ ունենալով լրացնել իր առաքելությունն իրագործելու ճանապարհին նշմարվող բացերը։